Ciao Osvaldo

Porta pasiensa Mister sa' me permetto de darte del ti.... el me succede quando me emosiono son fatto così....

quando cato fora in fondo al cor nei sentimenti....le foto le immagini le gioie i momenti....

si dai insomma i flash i ricordi piasse' bei....come quando a Bergamo i t'ha
porta' in trionfo i to' Butei....

te' ne' alsa' el pugno accenandone el sorriso....el Zaso dala Bovisa che ne' mostra el Paradiso....

e mi lì che pianzo senta' zo' sui scalini bagne'....in mezo ala bolgia dele Brigate scadene'....

L'utopia che se realizza fora da ogni concetto....l'Hellas squadra provinciale che vinse el scudetto....

El campionato più duro al mondo vinto dal Verona....con i vari Platini Zico Falcao o Maradona....

Na' squadretta operaia forgia' dal so' allenator....che l'avea laora' in fabbrica prima de diventar zugador....

chel vegnea al stadio cavalcando la so' bicicletta....come uno qualunque col paleto' e la baretta....

Partendo dala Valdonega attraversando la città....el Mister Osvaldo Bagnoli in tutta la so' semplicita'....

innamora' de Verona e de tutto el so' ambiente....che vivea sensa sfronzoli ogni attimo del presente....

Mai sora le righe mai na' parola fora posto....anca se el savea essar a tratti alquanto tosto....

come quando a Torino sentendo el rumor dei veri....ghe capita' nel spogliatoio i carabinieri....

e lu' sensa far na' piega in tutta la so' sincerita'....el ghe' fasea presente che i ladri iera de la'....

fasendoghe capir se solo ghe ne' fusse sta' bisono....che s'erino appena ste' derube' de un sogno....

o quando Ameri a Napoli l'ha elogia' soltanto Garella....lu' el ghe' fa' presente chel portier l'e lì par quela....

e ala domanda de qual el fusse el schema speciale....el rispondea che i tersini i fa' i tersini e le ale i fa' le ale....

l'importante l'era far zugar ognuno come el savea....e che la so' squadra l'era prima de tutto na' famea....

On gruppo che l'ha sempre ama' e protetto....anca quando è servio la privacy el rispetto .....

Va beh dai Mister adesso che te' sì vola' lassù ....a farghe compagnia a Ciccio Mascetti icona gialloblu'....

appena te' pol tegni sotto ocio i nostri colori....fasendoghe presente quela che l'e' la fede e i valori....

Ecco par tutto quel che t'e' fatto se solo el bastasse....dal profondo del cor eternamente grassie....

L'anima le' anda' in cielo ma resta nela memoria....l'uomo la leggenda che ha fatto la storia!

Poesia scritta da Marco Mengalli