13 dicembre 2025 07:58 | Alberto Fabbri
Buona Santa Lucia, Verona!
Una serena e telice Santa Lucia a tutti i piccoli e grandi amici di HELLAS LIVE!
Santa Lussia
di Tiberio Roberto Barbarani (Berto
Barbarani) il maggiore poeta dialettale veronese (Verona 1872-1945)
ll'à fati su de note, co le asse e col martel, co le tole, mèse rote,
piturade da cortel,
co 'na tenda trata sora co i lumeti trati la...
L'è così che salta fora i bancheti de la Bra!
Là, gh'è paste, là, gh'è fiori, gh'è i zugatoli da un tranco, (i zugatoli da siori)
ma ghi n'è che costa manco;
ghi n'è fin che costa un besso, e ghi n'è che de val tri...
"Con parmesso, con parmesso, che vòi vedarli anca mi”
Le puote bele bianche, le se buta fora in strada; un caval da do palanche l'è drio a trarme una peada...
Sto tranvai co i so vagoni par che el fassa: fu, fu, fu!...
"Bei maroni, bei maroni, de comandelo, anca lu?"
Giovanin, l'è meso mato par sta bela carossina;
"Mandolato! Mandolato tuto mandole e farina"
Quanta gente! Che boresso, drio a 'na tromba che fa piilii...
"Con parmesso, con parmesso, che vòi vedarla anca mi”.
Me morosa picinina de girar no l'ê mai straca; se la cata una vetrina, l'è nà pégola che taca;
la roversa fin i oci, la me sburta e, signor si, se badasse a i so zenoci, cossa mai saria de mi!
Me morosa piassè granda, la rasona e la me scolta, mai de mi no la se sbanda, lê un piasèr condurla in volta....
La me dise in te una recia:
"No sta spendar, l'è pecà!" Me morosa piassè vecia, lè la prima dela Brà!
Contenuto offerto da:
